30 студзеня адбылося свята пад назвай "Зямля пад белымі крыламі", якое падрыхтавалі вучні 3 класа. Дзеці расказалі пра прыгажосць прыроды Беларусі,  пра гісторыю сваёй краіны,  а таксама пра таленавітых беларускіх людзей і сваю родную мову.  На свяце гучалі вершы пра родную вёску Моталь, складзеныя мясцовай паэткай Валянцінай Кульбеда - Бакун. Вучні 3 класа прапанавалі для гасцей конкурс "Скажы па-беларуску", а таксама народную гульню "Гарачая бульба". Самым займальным на свяце было правядзенне майстар-класа: дзеці даведаліся, што ў Моталі яшчэ зусім нядаўна на розных святах, а таксама і на вяселлях танцавалі народны танец "Мыкіта". Госці свята паспрабавалі выканаць гэты танец. Фінальным момантам на свяце стала выкананне песні беларускага гурта "Дразды" "Хата бацькоў".